5 דקות תנ"ך – בני ישראל מתכוננים למלחמה

ה רַ֣ק | שִׁמְר֣וּ מְאֹ֗ד (אֲפִלּוּ שֶׁאַתֶּם רְחֹקִים מֵהַמִּשְׁכָּן) לַֽעֲשׂ֨וֹת אֶת־הַמִּצְוָ֣ה וְאֶת־הַתּוֹרָה֘ אֲשֶׁ֣ר צִוָּ֣ה אֶתְכֶם֘ מֹשֶׁ֣ה עֶֽבֶד־יְהֹוָה֒ לְ֠אַֽהֲבָה אֶת־יְהֹוָ֨ה אֱלֹֽהֵיכֶ֜ם וְלָלֶ֧כֶת בְּכָל־דְּרָכָ֛יו וְלִשְׁמֹ֥ר מִצְוֹתָ֖יו וּלְדָבְקָה־ב֑וֹ וּלְעָבְד֕וֹ בְּכָל־לְבַבְכֶ֖ם וּבְכָל־נַפְשְׁכֶֽם: ו וַֽיְבָרְכֵ֖ם יְהוֹשֻׁ֑עַ וַֽיְשַׁלְּחֵ֔ם וַיֵּֽלְכ֖וּ אֶל־אָֽהֳלֵיהֶֽם: ז וְלַֽחֲצִ֣י | שֵׁ֣בֶט הַֽמְנַשֶּׁ֗ה נָתַ֣ן מֹשֶׁה֘ (נַחֲלָה) בַּבָּשָׁן֒ וּלְחֶצְי֗וֹ (הַשֵּׁנִי) נָתַ֤ן יְהוֹשֻׁ֨עַ֙ עִם־אֲחֵיהֶ֔ם בְּעֵ֥בֶר הַיַּרְדֵּ֖ן יָ֑מָּה וְ֠גַם כִּֽי־ שִׁלְּחָ֧ם יְהוֹשֻׁ֛עַ אֶל־אָֽהֳלֵיהֶ֖ם (כְּמוֹ שֶׁשָּׁלַח אֶת שֵׁבֶט רְאוּבֵן וְגָד) וַֽיְבָרְכֵֽם: ח וַיֹּ֨אמֶר אֲלֵיהֶ֜ם לֵאמֹ֗ר בִּנְכָסִ֨ים רַבִּ֜ים שׁ֤וּבוּ אֶל־אָֽהֳלֵיכֶם֙ וּבְמִקְנֶ֣ה רַב־מְאֹ֔ד בְּכֶ֨סֶף וּבְזָהָ֜ב וּבִנְחֹ֧שֶׁת וּבְבַרְזֶ֛ל וּבִשְׂלָמ֖וֹת (בְּגָדִים) הַרְבֵּ֣ה מְאֹ֑ד חִלְק֥וּ שְׁלַל־אֹֽיְבֵיכֶ֖ם עִם־אֲחֵיכֶֽם (שֶׁנִּשְׁאֲרוּ בְעֵבֶר הַיַּרְדֵּן וְשָׁמְרוּ לָכֶם עַל הַנָּשִׁים וְהַטָּף וְהָרְכוּשׁ):

שְׁנַיִם וָחֵצִי הַשְּׁבָטִים בָּנוּ מִזְבֵּחַ, וְיִשְׂרָאֵל כָּעֲסוּ - שְׁנַיִם וָחֵצִי הַשְּׁבָטִים חָזְרוּ לְנַחֲלָתָם שֶׁבְּעֵבֶר הַיַּרְדֵּן, וּכְשֶׁהָיוּ בִגְבוּל נְהַר הַיַּרְדֵּן, בָּנוּ עַל שְׂפַת הַנָּהָר מִזְבֵּחַ גָּדוֹל, רַק כְּדֵי לִרְאוֹתוֹ וְלֹא כְדֵי לְהַקְרִיב עָלָיו קָרְבָּנוֹת. בְּנֵי יִשְׂרָאֵל שָׁמְעוּ שֶׁשְּׁנַיִם וָחֵצִי הַשְּׁבָטִים בָּנוּ מִזְבֵּחַ לְיַד הַיַּרְדֵּן, הֵם כָּעֲסוּ נוֹרָא, כִּי חָשְׁבוּ שֶׁהַמִּזְבֵּחַ נִבְנָה לְשֵׁם הַקְרָבַת קָרְבָּנוֹת, וְזֶה אִסּוּר חָמוּר כִּי הֲרֵי בָּרֶגַע שֶׁנִּבְנָה הַמִּשְׁכָּן בְּשִׁלֹה - אָסוּר לְהַקְרִיב בְּשׁוּם מָקוֹם אַחֵר. לָכֵן, הִתְאַסְּפוּ כָל יִשְׂרָאֵל כְּדֵי לָצֵאת וּלְהִלָּחֵם בִּשְׁנַיִם וָחֵצִי הַשְּׁבָטִים.

ט וַיָּשֻׁ֣בוּ וַיֵּֽלְכ֡וּ בְּנֵֽי־רְאוּבֵ֨ן וּבְנֵי־גָ֜ד וַֽחֲצִ֣י | שֵׁ֣בֶט הַֽמְנַשֶּׁ֗ה מֵאֵת֙ בְּנֵ֣י יִשְׂרָאֵ֔ל מִשִּׁלֹ֖ה אֲשֶׁ֣ר בְּאֶֽרֶץ־ כְּנָ֑עַן לָלֶ֜כֶת אֶל־אֶ֣רֶץ הַגִּלְעָ֗ד אֶל־אֶ֤רֶץ אֲחֻזָּתָם֙ אֲשֶׁ֣ר נֹֽאחֲזוּ־בָ֔הּ עַל־פִּ֥י יְהֹוָ֖ה בְּיַד־מֹשֶֽׁה: י וַיָּבֹ֨אוּ֙ אֶל־גְּלִיל֣וֹת הַיַּרְדֵּ֔ן אֲשֶׁ֖ר בְּאֶ֣רֶץ כְּנָ֑עַן וַיִּבְנ֣וּ בְנֵֽי־ רְאוּבֵ֣ן וּבְנֵי־גָ֡ד וַֽחֲצִ֣י שֵׁבֶט֩ הַֽמְנַשֶּׁ֨ה שָׁ֤ם מִזְבֵּ֨חַ֙ עַל־הַיַּרְדֵּ֔ן מִזְבֵּ֥חַ גָּד֖וֹל לְמַרְאֶֽה (רַק כְּדֵי לִרְאוֹתוֹ, וְלֹא כְדֵי לְהַקְרִיב עָלָיו קָרְבָּנוֹת):

יא וַיִּשְׁמְע֥וּ בְנֵֽי־יִשְׂרָאֵ֖ל לֵאמֹ֑ר הִנֵּ֣ה בָנ֣וּ בְנֵֽי־רְאוּבֵ֣ן וּבְנֵי־גָ֡ד וַֽחֲצִי֩ שֵׁ֨בֶט הַֽמְנַשֶּׁ֜ה אֶת־הַמִּזְבֵּ֗חַ אֶל־מוּל֙ אֶ֣רֶץ כְּנַ֔עַן אֶל־גְּלִילוֹת֙ הַיַּרְדֵּ֔ן אֶל־עֵ֖בֶר בְּנֵ֥י יִשְׂרָאֵֽל: יב וַֽיִּשְׁמְע֖וּ בְּנֵ֣י יִשְׂרָאֵ֑ל וַיִּקָּ֨הֲל֜וּ (הִתְאַסְּפוּ) כָּל־עֲדַ֤ת בְּנֵֽי־יִשְׂרָאֵל֙ שִׁלֹ֔ה לַֽעֲל֥וֹת עֲלֵיהֶ֖ם לַצָּבָֽא (כִּי חָשְׁבוּ שֶׁהַמִּזְבֵּחַ נִבְנָה לְקָרְבְּנוֹת, וּמֵהָרֶגַע שֶׁנִּבְנָה הַמִּשְׁכָּן בְּשִׁלֹה - אָסוּר לְהַקְרִיב בְּשׁוּם מָקוֹם אַחֵר):

מעוניינים לקבל את "5 דקות תנ"ך" מדי יום למייל? הירשמו לניוזלטר החדש שלנו - 2 הלכות ביום.

לחלק הבא בביאור ספר יהושע, מדוע ישראל שלחו שליחים? הקליקו כאן.