5 דקות תנ"ך ביום
5 דקות תנ"ך - תיאור הגבול הדרומי והגבול המערבי
ספר יהושע מבואר, במסגרת 5 דקות תנ"ך ביום. חלק 32
- הרב רונן חזיזהלמעקב
- ב' חשון התשע"ז||
הַגְּבוּל הַדְּרוֹמִי
ב וַיְהִ֤י לָהֶם֙ גְּב֣וּל נֶ֔גֶב (הַגְּבוּל הַדְּרוֹמִי שֶׁל נַחֲלָתָם) מִקְצֵ֖ה יָ֣ם הַמֶּ֑לַח מִן־הַלָּשֹׁ֖ן (שֶׁל הַיָּם) הַפֹּנֶ֥ה נֶֽגְבָּה: ג וְ֠יָצָא אֶל־מִנֶּ֜גֶב לְמַֽעֲלֵ֤ה עַקְרַבִּים֙ וְעָ֣בַר (דֶּרֶךְ מָקוֹם שֶׁנִּקְרָא) צִ֔נָה וְעָלָ֥ה מִנֶּ֖גֶב לְקָדֵ֣שׁ בַּרְנֵ֑עַ וְעָבַ֤ר חֶצְרוֹן֙ וְעָלָ֣ה אַדָּ֔רָה וְנָסַ֖ב הַקַּרְקָֽעָה: ד וְעָבַ֣ר עַצְמ֗וֹנָה וְיָצָא֙ נַ֣חַל מִצְרַ֔יִם וְהָי֛וּ תֹֽצְא֥וֹת הַגְּב֖וּל (סוֹפוֹ שֶׁל הַגְּבוּל) יָ֑מָּה (בְּיַם הַתִּיכוֹן) זֶה־יִֽהְיֶ֥ה לָכֶ֖ם גְּב֥וּל נֶֽגֶב:
הַגְּבוּל הַמִּזְרָחִי וְהַצְּפוֹנִי
ה וּגְב֥וּל קֵ֨דְמָה֙ (הַגְּבוּל הַמִּזְרָחִי - כָּל אָרְכּוֹ שֶׁל) יָ֣ם הַמֶּ֔לַח עַד־קְצֵ֖ה הַיַּרְדֵּ֑ן וּגְב֞וּל לִפְאַ֤ת צָפ֨וֹנָה֙ (הַגְּבוּל הַצְּפוֹנִי) מִלְּשׁ֣וֹן הַיָּ֔ם (יַם הַמֶּלַח) מִקְצֵ֖ה הַיַּרְדֵּֽן: ו וְעָלָ֤ה הַגְּבוּל֙ בֵּ֣ית חָגְלָ֔ה וְעָבַ֕ר מִצְּפ֖וֹן לְבֵ֣ית הָֽעֲרָבָ֑ה וְעָלָ֣ה הַגְּב֔וּל אֶ֥בֶן בֹּ֖הַן בֶּן־רְאוּבֵֽן:
ז וְעָלָ֨ה הַגְּב֥וּל | דְּבִרָה֘ מֵעֵ֣מֶק עָכוֹר֒ וְצָפ֜וֹנָה פֹּנֶ֣ה אֶל־הַגִּלְגָּ֗ל אֲשֶׁר־נֹ֨כַח֙ לְמַֽעֲלֵ֣ה אֲדֻמִּ֔ים אֲשֶׁ֥ר מִנֶּ֖גֶב לַנָּ֑חַל וְעָבַ֤ר הַגְּבוּל֙ אֶל־מֵי־עֵ֣ין שֶׁ֔מֶשׁ וְהָי֥וּ תֹֽצְאֹתָ֖יו אֶל־עֵ֥ין רֹגֵֽל: ח וְעָלָ֨ה הַגְּב֜וּל גֵּ֣י בֶן־הִנֹּ֗ם אֶל־כֶּ֤תֶף (סָמוּךְ לְעִיר) הַיְבוּסִי֙ מִנֶּ֔גֶב הִ֖יא יְרֽוּשָׁלִָ֑ם (וִירוּשָׁלַיִם עַצְמָהּ - לֹא הָיְתָה בְנַחֲלַת יְהוּדָה אֶלָּא בִנְיָמִין, אֲבָל רְצוּעַת אֲדָמָה קְטַנָּה מִנַּחֲלַת יְהוּדָה נִכְנְסָה וְעָבְרָה בִּירוּשָׁלַיִם) וְעָלָ֨ה הַגְּב֜וּל אֶל־ רֹ֣אשׁ הָהָ֗ר אֲ֠שֶׁר עַל־פְּנֵ֤י גֵֽי־הִנֹּם֙ יָ֔מָּה אֲשֶׁ֛ר בִּקְצֵ֥ה עֵֽמֶק־רְפָאִ֖ים צָפֽוֹנָה: ט וְתָאַ֨ר (הִסְתּוֹבֵב בְּעִגּוּל) הַגְּב֜וּל מֵרֹ֣אשׁ הָהָ֗ר אֶל־מַעְיַן֙ מֵ֣י נֶפְתּ֔וֹחַ וְיָצָ֖א אֶל־עָרֵ֣י הַר־עֶפְר֑וֹן וְתָאַ֤ר הַגְּבוּל֙ בַּֽעֲלָ֔ה הִ֖יא קִרְיַ֥ת יְעָרִֽים: י וְנָסַב֩ הַגְּב֨וּל (מֵהַמִּזְרָח לַמַּעֲרָב) מִבַּֽעֲלָ֥ה יָ֨מָּה֙ אֶל־הַ֣ר שֵׂעִ֔יר וְעָבַ֕ר אֶל־כֶּ֧תֶף הַר־יְעָרִ֛ים מִצָּפ֖וֹנָה הִ֣יא כְסָל֑וֹן וְיָרַ֥ד בֵּֽית־שֶׁ֖מֶשׁ וְעָבַ֥ר תִּמְנָֽה: יא וְיָצָ֨א הַגְּב֜וּל אֶל־כֶּ֣תֶף עֶקְרוֹן֘ צָפוֹנָה֒ וְתָאַ֤ר הַגְּבוּל֙ שִׁכְּר֔וֹנָה וְעָבַ֥ר הַר־הַֽבַּעֲלָ֖ה וְיָצָ֣א יַבְנְאֵ֑ל וְהָי֛וּ תֹּֽצְא֥וֹת הַגְּב֖וּל יָֽמָּה:
הַגְּבוּל הַמַּעֲרָבִי
יב וּגְב֣וּל יָ֔ם (הַגְּבוּל הַמַּעֲרָבִי הוּא) הַיָּ֥מָּה הַגָּד֖וֹל (יַם הַתִּיכוֹן) וּגְב֑וּל זֶ֠ה גְּב֧וּל בְּנֵֽי־יְהוּדָ֛ה סָבִ֖יב לְמִשְׁפְּחֹתָֽם:
מעוניינים לקבל את "5 דקות תנ"ך" מדי יום למייל? הירשמו לניוזלטר החדש שלנו - 2 הלכות ביום.
לחלק הבא בביאור ספר יהושע, מה היה חלקו של כלב בן יפונה? הקליקו כאן.
היו שותפים בזיכוי הרבים הגדול בעולם וקבלו את פרק התהילים האישי שלכם המסוגל לשמירה והגנה. לחצו כאן