5 דקות תנ"ך - מדוע שבט לוי לא קיבל נחלה?

יא וְהַגִּלְעָ֞ד וּגְב֧וּל הַגְּשׁוּרִ֣י וְהַמַּֽעֲכָתִ֗י וְכֹ֨ל הַ֥ר חֶרְמ֛וֹן וְכָל־הַבָּשָׁ֖ן עַד־סַלְכָֽה: יב כָּל־מַמְלְכ֥וּת עוֹג֙ בַּבָּשָׁ֔ן אֲשֶׁר־מָלַ֥ךְ בְּעַשְׁתָּר֖וֹת וּבְאֶדְרֶ֑עִי (רַק) ה֤וּא (עוֹג) נִשְׁאַר֙ מִיֶּ֣תֶר הָֽרְפָאִ֔ים (הָעֲנָקִים) וַיַּכֵּ֥ם מֹשֶׁ֖ה וַיֹּֽרִשֵֽׁם: יג וְלֹ֤א הוֹרִ֨ישׁוּ֙ בְּנֵ֣י יִשְׂרָאֵ֔ל (בִּזְמַן מֹשֶׁה) אֶת־הַגְּשׁוּרִ֖י וְאֶת־הַמַּֽעֲכָתִ֑י וַיֵּ֨שֶׁב גְּשׁ֤וּר וּמַֽעֲכָת֙ (מֻבְלַעוֹת) בְּקֶ֣רֶב יִשְׂרָאֵ֔ל עַ֖ד הַיּ֥וֹם הַזֶּֽה (עַד זְמַן כְּתִיבַת סֵפֶר זֶה): יד רַ֚ק לְשֵׁ֣בֶט הַלֵּוִ֔י לֹ֥א נָתַ֖ן (מֹשֶׁה רַבֵּנוּ) נַֽחֲלָ֑ה (גַּם לֹא בְּעֵבֶר הַיַּרְדֵּן הַמַּעֲרָבִי, מִפְּנֵי שֶׁ)אִשֵּׁ֨י יְהֹוָ֜ה אֱלֹהֵ֤י יִשְׂרָאֵל֙ (הַקָּרְבָּנוֹת, וּמַתְּנוֹת הַכְּהוּנָה) ה֣וּא נַֽחֲלָת֔וֹ כַּֽאֲשֶׁ֖ר דִּבֶּר־לֽוֹ:

נַחֲלַת שֵׁבֶט רְאוּבֵן - מֹשֶׁה רַבֵּנוּ נָתַן לְמִשְׁפְּחוֹת שֵׁבֶט רְאוּבֵן לְנַחֲלָה אֶת רוֹב אַרְצוֹ שֶׁל סִיחוֹן מֶלֶךְ הָאֱמוֹרִי, לְאַחַר שֶׁמֹּשֶׁה הָרַג אוֹתוֹ וְאֶת הַמּוֹשְׁלִים הַנּוֹסָפִים שֶׁהָיוּ כְּפוּפִים אֵלָיו וּמִתְגּוֹרְרִים בְּאַרְצוֹ.

טו וַיִּתֵּ֣ן מֹשֶׁ֔ה לְמַטֵּ֥ה בְנֵֽי־רְאוּבֵ֖ן לְמִשְׁפְּחֹתָֽם (הִגְדִּיר לְכָל מִשְׁפָּחָה אֶת חֶלְקָה): טז וַיְהִ֨י לָהֶ֜ם הַגְּב֗וּל מֵֽעֲרוֹעֵ֡ר אֲשֶׁר֩ עַל־שְׂפַת־נַ֨חַל אַרְנ֜וֹן וְהָעִ֨יר אֲשֶׁ֧ר בְּתוֹךְ־ הַנַּ֛חַל וְכָל־הַמִּישֹׁ֖ר עַל־מֵֽידְבָֽא: יז חֶשְׁבּ֥וֹן וְכָל־ עָרֶ֖יהָ אֲשֶׁ֣ר בַּמִּישֹׁ֑ר דִּיבֹן֙ וּבָמ֣וֹת בַּ֔עַל וּבֵ֖ית בַּ֥עַל מְעֽוֹן: יח וְיַ֥הְצָה וּקְדֵמֹ֖ת וּמֵפָֽעַת: יט וְקִרְיָתַ֣יִם וְשִׂבְמָ֔ה וְצֶ֥רֶת הַשַּׁ֖חַר בְּהַ֥ר הָעֵֽמֶק: כ וּבֵ֥ית פְּע֛וֹר וְאַשְׁדּ֥וֹת הַפִּסְגָּ֖ה וּבֵ֥ית הַיְשִׁמֽוֹת: כא וְכֹל֙ עָרֵ֣י הַמִּישֹׁ֔ר וְכָֽל־מַמְלְכ֗וּת סִיחוֹן֙ מֶ֣לֶךְ הָֽאֱמֹרִ֔י אֲשֶׁ֥ר מָלַ֖ךְ בְּחֶשְׁבּ֑וֹן אֲשֶׁר֩ הִכָּ֨ה מֹשֶׁ֜ה אֹת֣וֹ | וְאֶת־נְשִׂיאֵ֣י מִדְיָ֗ן אֶת־אֱוִ֤י וְאֶת־רֶ֨קֶם֙ וְאֶת־צ֤וּר (הוּא בָלָק) וְאֶת־ חוּר֙ וְאֶת־רֶ֔בַע נְסִיכֵ֣י סִיח֔וֹן יֹֽשְׁבֵ֖י הָאָֽרֶץ: כב וְאֶת־ בִּלְעָ֥ם בֶּן־בְּע֖וֹר הַקּוֹסֵ֑ם הָֽרְג֧וּ בְנֵֽי־יִשְׂרָאֵ֛ל בַּחֶ֖רֶב אֶל־חַלְלֵיהֶֽם: כג וַיְהִ֗י גְּבוּל֙ בְּנֵ֣י רְאוּבֵ֔ן הַיַּרְדֵּ֖ן וּגְב֑וּל זֹ֣את נַֽחֲלַ֤ת בְּנֵֽי־רְאוּבֵן֙ לְמִשְׁפְּחוֹתָ֔ם הֶֽעָרִ֖ים וְחַצְרֵיהֶֽן:

נַחֲלַת שֵׁבֶט גָּד - מֹשֶׁה נָתַן לְמִשְׁפְּחוֹת שֵׁבֶט גָּד לְנַחֲלָה חֵלֶק מֵאֶרֶץ עַמּוֹן, וְאֶת יִתְרַת שִׁטְחֵי מַמְלֶכֶת סִיחוֹן.

כד וַיִּתֵּ֤ן מֹשֶׁה֙ לְמַטֵּה־גָ֔ד לִבְנֵי־גָ֖ד לְמִשְׁפְּחֹתָֽם: כה וַיְהִ֤י לָהֶם֙ הַגְּב֔וּל (הָעִיר) יַעְזֵר֙ וְכָל־עָרֵ֣י הַגִּלְעָ֔ד וַֽחֲצִ֕י אֶ֖רֶץ בְּנֵ֣י עַמּ֑וֹן עַד־עֲרוֹעֵ֕ר אֲשֶׁ֖ר עַל־פְּנֵ֥י רַבָּֽה (רַבַּת בְּנֵי עַמּוֹן): כו וּמֵֽחֶשְׁבּ֛וֹן עַד־רָמַ֥ת הַמִּצְפֶּ֖ה וּבְטֹנִ֑ים וּמִֽמַּחֲנַ֖יִם עַד־גְּב֥וּל לִדְבִֽר:

מעוניינים לקבל את "5 דקות תנ"ך" מדי יום למייל? הירשמו לניוזלטר החדש שלנו - 2 הלכות ביום.

לחלק הבא בביאור ספר יהושע, חלוקת הארץ לתשעה וחצי השבטים, הקליקו כאן.