הפרויקט של גולדין ויוסף נטיב מגישים: "בדמי ימי"

מילות השיר:

אֲנִ֣י אָמַ֗רְתִּי בִּדְמִ֥י יָמַ֛י

אֵלֵ֖כָה בְּשַֽׁעֲרֵ֣י שְׁא֑וֹל

פֻּקַּ֖דְתִּי יֶ֥תֶר שְׁנוֹתָֽי:

אָמַ֙רְתִּי֙ לֹֽא־אֶרְאֶ֣ה יָ֔הּ

יָ֖הּ בְּאֶ֣רֶץ הַֽחַיִּ֑ים

לֹֽא־אַבִּ֥יט אָדָ֛ם ע֖וֹד

עִם־י֥וֹשְׁבֵי חָֽדֶל:

דּוֹרִ֗י נִסַּ֧ע וְנִגְלָ֛ה מִנִּ֖י

כְּאֹ֣הֶל רֹעִ֑י

קִפַּ֨דְתִּי כָֽאֹרֵ֚ג חַיַּי֙

מִדַּלָּ֣ה יְבַצְּעֵ֔נִי

מִיּ֥וֹם עַד־לַ֖יְלָה

תַּשְׁלִימֵֽנִי:

כִּֽי־לֹ֥א שְׁא֛וֹל תּוֹדֶ֖ךָּ מָ֣וֶת יְהַלְלֶ֑ךָּ לֹֽא־יְשַׂבְּר֥וּ יֽוֹרְדֵי־ב֖וֹר אֶל־אֲמִתֶּֽךָ:

חַ֥י חַ֛י ה֥וּא יוֹדֶ֖ךָ כָּמֹ֣נִי הַיּ֑וֹם אָ֣ב לְבָנִ֔ים יוֹדִ֖יעַ אֶל־אֲמִתֶּֽךָ:

שִׁוִּ֚יתִי עַד־בֹּ֙קֶר֙ כָּֽאֲרִ֔י

כֵּ֥ן יְשַׁבֵּ֖ר כָּל־עַצְמוֹתָ֑י

מִיּ֥וֹם עַד־לַ֖יְלָה תַּשְׁלִימֵֽנִי:

כְּס֚וּס עָגוּר֙ כֵּ֣ן אֲצַפְצֵ֔ף

אֶהְגֶּ֖ה כַּיּוֹנָ֑ה

דַּלּ֚וּ עֵינַי֙ לַמָּר֔וֹם אֲדֹנָ֖י

עָֽשְׁקָה־לִּ֥י עָרְבֵֽנִי:

מָֽה־אֲדַבֵּ֥ר וְאָֽמַר־לִ֖י

וְה֣וּא עָשָׂ֑ה

אֶדַּדֶּ֥ה כָל־שְׁנוֹתַ֖י עַל־מַ֥ר נַפְשִֽׁי:

אֲדֹנָ֖י

כִּֽי־לֹ֥א שְׁא֛וֹל תּוֹדֶ֖ךָּ מָ֣וֶת יְהַלְלֶ֑ךָּ לֹֽא־יְשַׂבְּר֥וּ יֽוֹרְדֵי־ב֖וֹר אֶל־אֲמִתֶּֽךָ:

חַ֥י חַ֛י ה֥וּא יוֹדֶ֖ךָ כָּמֹ֣נִי הַיּ֑וֹם אָ֣ב לְבָנִ֔ים יוֹדִ֖יעַ אֶל־אֲמִתֶּֽךָ:

אֲדֹנָ֖י עֲלֵיהֶ֣ם יִֽחְי֑וּ

וּלְכָל־בָּהֶן֙ חַיֵּ֣י רוּחִ֔י

וְתַֽחֲלִימֵ֖נִי וְהַֽחֲיֵֽנִי:

הִנֵּ֥ה לְשָׁל֖וֹם

מַר־לִ֣י מָ֑ר וְאַתָּ֞ה

חָשַׁ֚קְתָּ נַפְשִׁי֙

מִשַּׁ֣חַת בְּלִ֔י

כִּֽי־הִשְׁלַ֛כְתָּ אַֽחֲרֵ֥י גֵֽוְךָ֖

כָּל־חֲטָאָֽי:

יְהֹוָ֖-ה לְהֽוֹשִׁיעֵ֑נִי וּנְגִֽינוֹתַ֧י נְנַגֵּ֛ן

כָּל־יְמֵ֥י חַיֵּ֖ינוּ עַל־בֵּ֥ית יְהֹוָֽ-ה:

כִּֽי־לֹ֥א שְׁא֛וֹל תּוֹדֶ֖ךָּ מָ֣וֶת יְהַלְלֶ֑ךָּ לֹֽא־יְשַׂבְּר֥וּ יֽוֹרְדֵי־ב֖וֹר אֶל־אֲמִתֶּֽךָ:

חַ֥י חַ֛י ה֥וּא יוֹדֶ֖ךָ כָּמֹ֣נִי הַיּ֑וֹם אָ֣ב לְבָנִ֔ים יוֹדִ֖יעַ אֶל־אֲמִתֶּֽךָ.