5 דקות תנ"ך – איזה חלק קיבלו בני אהרון הכהנים?

ח וַיִּתְּנ֤וּ בְנֵֽי־יִשְׂרָאֵל֙ לַלְוִיִּ֔ם אֶת־הֶֽעָרִ֥ים הָאֵ֖לֶּה וְאֶת־מִגְרְשֵׁיהֶ֑ן כַּֽאֲשֶׁ֨ר צִוָּ֧ה יְהֹוָ֛ה בְּיַד־מֹשֶׁ֖ה בַּגּוֹרָֽל:

בְּנֵי קְהָת - קִבְּלוּ סַךְ הַכֹּל 23 עָרִים, בָּאֹפֶן הַזֶּה: בְּנֵי אַהֲרֹן הַכֹּהֲנִים - קִבְּלוּ 13 עָרִים מֵהַשְּׁבָטִים: יְהוּדָה, שִׁמְעוֹן וּבִנְיָמִין, וּבְתוֹכָן הָעִיר 'חֶבְרוֹן' מִנַּחֲלַת יְהוּדָה שֶׁהָיְתָה עִיר מִקְלָט. וְאַף עַל פִּי שֶׁחֶבְרוֹן נִתְּנָהּ לְכָלֵב בֶּן יְפֻנֶּה עַל פִּי דְבַר ה', מִכָּל מָקוֹם, כָּלֵב קִבֵּל רַק אֶת הַשָּׂדוֹת שֶׁסְּבִיבָהּ וְאֶת פַּרְוָרֶיהָ שֶׁאֵינָם מוּקָפִים חוֹמָה, אֲבָל הָעִיר עַצְמָהּ יַחַד עִם מִגְרָשֶׁיהָ הַצְּמוּדִים לָהּ - נִתְּנוּ לִבְנֵי אַהֲרֹן הַכֹּהֲנִים.

ט וַֽיִּתְּנ֗וּ מִמַּטֵּה֙ בְּנֵ֣י יְהוּדָ֔ה וּמִמַּטֵּ֖ה בְּנֵ֣י שִׁמְע֑וֹן אֵ֚ת הֶֽעָרִ֣ים הָאֵ֔לֶּה אֲשֶׁר־יִקְרָ֥א אֶתְהֶ֖ן בְּשֵֽׁם: י וַֽיְהִי֙ לִבְנֵ֣י אַֽהֲרֹ֔ן מִמִּשְׁפְּח֥וֹת הַקְּהָתִ֖י מִבְּנֵ֣י לֵוִ֑י כִּ֥י לָהֶ֛ם הָיָ֥ה הַגּוֹרָ֖ל רִֽאישֹׁנָֽה (בַּתְּחִלָּה): יא וַיִּתְּנ֨וּ לָהֶ֜ם אֶת־קִרְיַת֩ אַרְבַּ֨ע אֲבִ֧י הָֽעֲנ֛וֹק (קִרְיַתוֹ שֶׁל 'אַרְבַּע' - אֲבִיהֶם שֶׁל הָעֲנָקִים) הִ֥יא חֶבְר֖וֹן בְּהַ֣ר יְהוּדָ֑ה וְאֶת־מִגְרָשֶׁ֖הָ סְבִֽיבֹתֶֽיהָ: יב וְאֶת־שְׂדֵ֥ה הָעִ֖יר (הַשָּׂדוֹת שֶׁמֵּעֵבֶר לַמִּגְרָשִׁים) וְאֶת־ חֲצֵרֶ֑יהָ נָ֥תְנ֛וּ לְכָלֵ֥ב בֶּן־יְפֻנֶּ֖ה בַּֽאֲחֻזָּתֽוֹ: יג וְלִבְנֵ֣י | אַֽהֲרֹ֣ן הַכֹּהֵ֗ן נָֽתְנוּ֙ אֶת־עִיר֙ מִקְלַ֣ט הָֽרֹצֵ֔חַ אֶת־ חֶבְר֖וֹן וְאֶת־מִגְרָשֶׁ֑הָ וְאֶת־לִבְנָ֖ה וְאֶת־מִגְרָשֶֽׁהָ: יד וְאֶת־יַתִּר֙ וְאֶת־מִגְרָשֶׁ֔הָ וְאֶֽת־אֶשְׁתְּמֹ֖עַ וְאֶת־ מִגְרָשֶֽׁהָ: טו וְאֶת־חֹלֹן֙ וְאֶת־מִגְרָשֶׁ֔הָ וְאֶת־דְּבִ֖ר וְאֶת־מִגְרָשֶֽׁהָ: טז וְאֶת־עַ֣יִן וְאֶת־מִגְרָשֶׁ֗הָ וְאֶת־יֻטָּה֙ וְאֶת־מִגְרָשֶׁ֔הָ אֶת־בֵּ֥ית שֶׁ֖מֶשׁ וְאֶת־מִגְרָשֶׁ֑הָ עָרִ֣ים תֵּ֔שַׁע מֵאֵ֕ת שְׁנֵ֖י הַשְּׁבָטִ֥ים הָאֵֽלֶּה:

יז וּמִמַּטֵּ֣ה בִנְיָמִ֔ין אֶת־גִּבְע֖וֹן וְאֶת־מִגְרָשֶׁ֑הָ אֶת־ גֶּ֖בַע וְאֶת־מִגְרָשֶֽׁהָ: יח אֶת־עֲנָתוֹת֙ וְאֶת־מִגְרָשֶׁ֔הָ וְאֶת־עַלְמ֖וֹן וְאֶת־מִגְרָשֶׁ֑הָ עָרִ֖ים אַרְבַּֽע: יט כָּל־עָרֵ֥י בְנֵֽי־אַהֲרֹ֖ן הַכֹּֽהֲנִ֑ים שְׁלֹשׁ־עֶשְׂרֵ֥ה עָרִ֖ים וּמִגְרְשֵׁיהֶֽן:

בְּנֵי קְהָת הַנּוֹתָרִים - כְּלוֹמַר, בְּנֵי מֹשֶׁה, יִצְהָר, חֶבְרוֹן וְעֻזִּיאֵל - קִבְּלוּ 10 עָרִים מֵהַשְּׁבָטִים: אֶפְרַיִם, דָּן וַחֲצִי שֵׁבֶט מְנַשֶּׁה (הַמַּעֲרָבִי), וּבְתוֹכָן - 'שְׁכֶם' שֶׁהָיְתָה עִיר מִקְלָט.

כ וּלְמִשְׁפְּח֤וֹת בְּנֵֽי־קְהָת֙ הַלְוִיִּ֔ם הַנּֽוֹתָרִ֖ים מִבְּנֵ֣י קְהָ֑ת (בְּנֵי מֹשֶׁה, בְּנֵי יִצְהָר, בְּנֵי חֶבְרוֹן וּבְנֵי עֻזִּיאֵל) וַֽיְהִי֙ עָרֵ֣י גֽוֹרָלָ֔ם מִמַּטֵּ֖ה אֶפְרָֽיִם: כא וַיִּתְּנ֨וּ לָהֶ֜ם אֶת־עִ֨יר מִקְלַ֧ט הָֽרֹצֵ֛חַ אֶת־שְׁכֶ֥ם וְאֶת־מִגְרָשֶׁ֖הָ בְּהַ֣ר אֶפְרָ֑יִם וְאֶת־ גֶּ֖זֶר וְאֶת־מִגְרָשֶֽׁהָ: כב וְאֶת־קִבְצַ֨יִם֙ וְאֶת־מִגְרָשֶׁ֔הָ וְאֶת־בֵּ֥ית חוֹרֹ֖ן וְאֶת־מִגְרָשֶׁ֑הָ עָרִ֖ים אַרְבַּֽע: 

מעוניינים לקבל את "5 דקות תנ"ך" מדי יום למייל? הירשמו לניוזלטר החדש שלנו - 2 הלכות ביום.

לחלק הבא בביאור ספר יהושע, 48 עריםללוים, הקליקו כאן.