"הפרויקט של גולדין" בשיר תהילים נוסף, והפעם: יוסף נטיב שר את פרק נ'

מילות השיר:

יְֽהוָ֗ה דִּבֶּ֥ר וַיִּקְרָא-אָ֑רֶץ

מִמִּזְרַח-שֶׁ֝֗מֶשׁ עַד-מְבֹאֽוֹ

מִצִּיּ֥וֹן מִכְלַל-יֹ֗פִי אֱלֹהִ֥ים הוֹפִֽיעַ

יָ֤בֹ֥א אֱלֹהֵ֗ינוּ וְֽאַל-יֶ֫חֱרַ֥שׁ

אֵשׁ-לְפָנָ֥יו תֹּאכֵ֑ל וּ֝סְבִיבָ֗יו

נִשְׂעֲרָ֥ה מְאֹֽד

יִקְרָ֣א אֶל-הַשָּׁמַ֣יִם מֵעָ֑ל

וְאֶל-הָ֝אָ֗רֶץ לָדִ֥ין עַמּֽוֹ

אִסְפוּ-לִ֥י חֲסִידָ֑י

כֹּרְתֵ֖י בְרִיתִ֣י עֲלֵי-זָֽבַח

וַיַּגִּ֣ידוּ שָׁמַ֣יִם צִדְק֑וֹ

כִּֽי-אֱלֹהִ֓ים שֹׁפֵ֖ט ה֣וּא סֶֽלָה

שִׁמְעָ֤ה עַמִּ֨י וַאֲדַבֵּ֗רָה

 יִ֭שְׂרָאֵל וְאָעִ֣ידָה בָּ֑ךְ

אֱלֹהִ֖ים אֱלֹהֶ֣יךָ אָנֹֽכִי

 וְעוֹלֹתֶ֖יךָ לְנֶגְדִּ֣י תָמִֽיד

לֹא-אֶקַּ֣ח מִבֵּיתְךָ֣ פָ֑ר

 מִ֝מִּכְלְאֹתֶ֗יךָ עַתּוּדִֽים

כִּי-לִ֥י כָל-חַיְתוֹ-יָ֑עַר

יָ֭דַעְתִּי כָּל-ע֣וֹף הָרִ֑ים

אִם-אֶ֭רְעַב לֹא-אֹ֣מַר לָ֑ךְ

כִּי-לִ֥י תֵ֝בֵ֗ל וּמְלֹאָֽהּ:

 זְבַ֣ח לֵאלֹהִ֣ים תּוֹדָ֑ה

וְשַׁלֵּ֖ם לְעֶלְי֣וֹן נְדָרֶֽיךָ

וּ֭קְרָאֵנִי בְּי֣וֹם צָרָ֑ה

 אֲ֝חַלֶּצְךָ֗ וּֽתְכַבְּדֵֽנִי

וְלָ֤רָשָׁ֨ע אָ֘מַ֤ר

אַתָּה שָׂנֵ֣אתָ מוּסָ֑ר

 וַתַּשְׁלֵ֖ךְ דְּבָרַ֣י אַחֲרֶֽיךָ

בִּֽינוּ-נָ֣א זֹ֭את שֹׁכְחֵ֣י אֱל֑וֹהַּ

פֶּן-אֶ֝טְרֹ֗ף וְאֵ֣ין מַצִּֽיל

זֹבֵ֥חַ תּוֹדָ֗ה יְֽכַ֫בְּדָ֥נְנִי

וְשָׂ֥ם דֶּ֑רֶךְ אַ֝רְאֶ֗נּוּ בְּיֵ֣שַׁע אֱלֹהִֽים